Грчеви во мускулите

16/11/2022

Мускулен грч е ненадејно, безволно згрчување на еден или група на мускули. Најчесто се случуваат по физичка активност. Кај некои луѓе грчевите знаат да се појават навечер, за време на спиење и тоа најчесто се згрчувања мускулатурата на нозете.

Друга група на мускули каде што најчесто се случуваат згрчувања се:

На предна и задна ложа
На стапалата
На дланките
На рацете
На абдоменот
По линија на градниот кош
На лумбалниот ‘рбет

Што предизвикува грч во мускулот?

Преголема оптеретеност на мускулите. Ова е една од најчестите причини за грчеви во мускулите.
Дехидрација.
Ниско ниво на електролити како што се калиум, магнезиум и калциум.
Кога имате проблеми со нервите настанати од некоја повреда на ‘рбетот.
Бременост
Користење на одредени лекови.

Најчесто со мускулни грчеви се соочуваат луѓе кои се доста физички активни или имаат физичка работа. Исто така грчеви се појавуваат кај бремени жени, атлетичари и луѓе кои што имаат некаков медицински проблем со тироидната жлезда или нервите.

Третман на грчеви во мускулите

За олеснување на болката од грчевите може да направите нежна масажа, раздвижување и нежно истегнување до граница на болка. Секогаш гледајте да бидете добро хидрирани доколку имате често грчеви во мускулите, да внесувате магнезиум од 365 до 400 мг дневно и да одмарате почесто во текот на денот доколку работата ви е физичка. За време на грчот може да аплицирате топли облоги за опуштање на мускулатурата.