Кинестетик е центар за масажа и кинезитерапија кој ви го подобрува квалитетот на животот.

Одлично искуство! Ивана е пример за професионалец и за многу кратко време успеа да го најде и реши мојот проблем.

Ивана е еден од подобрите кинезитерапевти кои сум ги имала. Ретко кој ја владее pnf техниката кај нас. Многу познавање и трпеливост кога станува збор за невролошки случаеви.

Ако имате некој проблем на телото или сте имате или ќе имате операција, најбитно од се после операцијата ви е добра кинези терапија и професионални вежби кои ќе го доведат вашето тело до совршрност и резултатите ќе бидат одлични. Обратете им се на Кинестетик, они го имаат лекот за вашите повреди.

Како професионална спортистка која секогаш има потреба од физиотерапевтски услуги, топло ви ги препорачувам Кинестетик, бидејќи не само што ми помогнале во процес на рехабилитација по било која повреда, туку и континуирано успешно ми помагаат во одржување на мојата топ форма. Искусни, полни со знаење, секогаш професионални и најважно од се, секогаш достапни за да ви помогнат во секојдневниот живот и да ве ослободат од болка.

Во Кинестетик сум од отварањето на ординацијата и можам да кажам дека кога и да ми затреба нивната помош, секогаш моите очекувања се исполнети. Високо образовани и искусни физиотерапевтки кои со сигурност би ги препорачала на сите Вас кои ви е потребна ваква помош.

Атмосферата која ја нуди Кинестетик е смирувачка, професионална и пријателска. Тие те сослушуваат, што е толку важно. Те учат како да си помогнете сами на себе. Маја е неверојатно пристапна, таа секогаш помага да се чувствувам попозитивно и поопуштено после сеансите. Професионална, која секогаш се труди да го објасни проблемот, што прави и зошто тоа ќе ми помогне. Менаџирањето со луѓе и разбирање на реалноста на ситуацијата, барањата и потребите на пациентите е на високо ниво. Вие сте секогаш многу љубезни, а во исто време и супер ефикасни.

Како особа која долго време пати од сколиоза и кифоза, болката и вкочанетоста во грбот ми се проблем против кој морам активно да се борам. Покрај физичката активност, животот во голем дел ми го олеснуваат редовните физиотерапевстки масажи во Кинестетик, веќе 5 години во континуитет. Високата професионалност е постојан стандард при секоја моја посета, а знаењето и вештината на физиотерапевтките се врвни. Во овој контекст морам да ја споменам и високата хигиена во Кинестетик, која и тоа како е важна за центар за услуги од овој вид. Најтопло ги препорачувам!

После 7 години “соработка” за Ивана можам да кажам дека веќе ми е личен физио. Клиент сум и уште пред да го создаде Кинестетик, а после толку години имам само пофални зборови за нејината експертиза и професионалност.

Работам физички активна работа со многу часови “на нога” па често имам проблеми со грбот и нозете. Одам на масажа некогаш повеќе, некогаш помалку редовно, ама секогаш има олеснувачки ефект. Покрај тоа имам и discus hernia и третманите во Кинестетик ми беа од најголема помош во периодот на рехабилитација.

Не сакам да го испуштам делот што за време на пандемијата најстрого се почитуваа сите заштитни мерки, а хигиената и пред и за време на и после пандемијата секогаш им е на највисоко ниво.

На скала од 1 до 10 мојата препорака дефинитивно за 11. Само напред девојки!

Кинестетик го посетувам долго време и секогаш добивам одлична услуга, без забелешки. Просторот е чист и пријатен, а хигиената е секогаш на високо ниво. Вработените се супер професионални, културни и респонсивни. Голема препорака за сите заинтересирани.

Големи професионалци, љубезни и многу посветени на работата. Го препорачувам на сите центарот Кинестетик.

“Масажите се магични” остана да ѕвони во мене кога ми кажа Ивана, после првиот третман. А магија нема, туку стручност.

Имав проблем после Ковид и лежење на инфективна, големи болки кои ме будеа од сон. Направија план за неколку масажи проследени со кратки вежби кои променија се. Викаат лекот е пет пари кога го знаеш… И така е, со една премногу проста вежба се вратив во живот. Вежба која што го третираше токму мојот проблем. И да, можеби ако гуглаш ќе ја најдеш вежбата, но како ќе ја најдеш причината на проблемот?

Многу лесно, ќе закажеш кај Кинестетик и ќе ти стигне порака да те потсети за следниот термин. А штом ќе завршиш следи благце!

Проблемот со болки во грбот го имам долго време, особено во периоди на недоволна физичка активност. Препораката да ги посетам кинестетик беше полн погодок. Професионалноста ја добив при првиот контакт. Дијагностицирањето е методично, со анкетирање и преглед за да се лоцира проблемот и да му се пристапи правилно. Никогаш не недостасуваа објаснувања. Стручноста на тимот е видлив, јазикот на кој се комуницира разбирлив и објаснувањето како би одел третманот.Таму за прв пат го чув терминот обезболување, а после неколку терапии на масажи и вежби болката се намали значително.

Она што најмногу ми се допадна е дека вежбите кои ги работевме беа подготвени за конкретниот проблем. Листата на вежби ги добиваб и во инбокс како потсетник за работа сам.

Трпение, оптимизам и идејата дека луѓето имаат голем потенцијал да се самолекуваат е пристапот на Кинестетик. Драго ми е што ги знам и со задоволство ги препорачувам секогаш.

Како професионален спортист, негата и грижата за сопственото тело ми е на прво место. Рака под рака со спортот, за жал, следат и повредите. Во период од 2 години пројдов 2 операции на предниот вкрстен лигамент на двете колена, што беше моја несреќа. За моја среќа, имав можност да работам со тимот на Кинестетик кои се беспрекорни професионалци и извонредни работници кои ми ја вратија желбата и мотивацијата за повторно чекорење на теренот кое што и ден денес успешно го спроведувам.

За тоа што уште можам да го правам она што највеќе го сакам вечно ќе им бидам благодарна, посебно на Маја мојот личен физио

Заради тоа на сите спортисти, спортски работници, како и сите други кои сакаат соодветно некој да се грижи за нивното тело, топло го препорачувам тимот на Кинестетик. :)